錢作怪

錫菲聯告韋斯咸被英國高等法院判敗訴

錫菲聯無所不用其極咁保留英超球隊嘅身份，目的當然係唔捨得那份價值數以千萬英鎊嘅電視轉播合約。眾所周知，英超與英冠雖然只差一個級別，但兩者嘅經濟收益卻係差天共地，形成好多球隊升到英超之後都唔願意花錢擴軍，怕萬一打回原形，到時使大咗收唔番果陣仲頭痕。既然如此，你唔怪自己咁仲怪得邊個？都係返去等機會標多次會好過啦！



易建聯為了十三億同胞寧放棄簽約，誓與公鹿玉石俱焚

一個無情嘅選秀大會，將中國人希望易建聯送到只得少數華人聚居嘅密爾沃基。當然以易先生嘅商業價值實在唔應該屈就於一個如此細小城市。但係back to basic，作為一位專業運動員，既然參加得選秀大會，是否無論結果如何都應該接受呢？就等於：你是否應該遵守遊戲規則，或是尊重體育精神呢？如果答案係否定的話，恭喜你！你將會丟盡全國十三億人民嘅臉！