今日入手(3)

Máire Brennan - Perfect Time
二手價：HKD38


Miles Davis - Cool & Collected
二手價：HKD48


Charlie Parker & Dizzy Gillespie - Bird & Diz
二手價：HKD58


Gershwin : Rhapsody in Blue．Copland : Appalachian Spring．Barber : Adagio - Los Angeles Philharmonic Orchestra．Leonard Bernstein
二手價：HKD35

咁都得？

香港足總真是越來越不知所謂，好一個拿政府公幣的私人俱樂部！

繼上屆原本降班的南華獲得挽留之後，今屆本應降落丙組的老牌球會東方竟能連跳兩級，來屆在甲組角逐，簡直是扉夷所思！這個壞的先例一開再開，整個香港足球的公信力已經蕩然無全，更甚者，低組別球隊以後根本不須要什麼升班制度，只要有錢便有人為你大開方便之門，體育精神在此荒唐的體制下，變得可有可無！相信下一部將會是開放本地足球投注，將國內足運的假球、黑哨，繼續在此彈丸之地發揚光大！香港足球，始終有你！

香港足總萬歲！

週未狂想

環法單車賽近年受到禁藥事件影響令到各界嘩然，眾人紛紛聲討此等行為！因為運動員使用違禁藥品以提升自己比賽的勝算，會被視之為欺騙，是大會所禁止而且須要受到嚴厲的懲罰，這一點是無容置疑的！

以此邏輯，小弟忽發奇想，那些一向都有濫藥的問題的表演藝術工作者，在表演前上足電以求在台上盡快將自己提升至另一種境界，又是否欺騙的行為？是否須要禁止其在舞台上的所有表演呢？突然間，我想起一句說話，足以否定我之前這個想法，就是學黃子華話齋：『搵食！』『俾條生路行好喎！』

果然是一個好答案！但為了表示尊敬，所有已經過身的藝術表演者都不被納入為以上所指的類別裡面，雖然我相信當中大部份都是：『搵食！』『俾條生路行好喎！』

誰是羊牯？

英超球會已經正式成為歐洲，甚至全球第一大羊牯，無他的，單是電視轉播費的收入，已經數以千萬萬鎊計，各大球會為了保住錢途，自然要不斷地增兵以保持實力，這也間接令到很多歐洲球會開天殺價，從買賣球員之中受惠。

當然球會用上很多的金錢，亦不代表其球員物有所值，甚至有時表現遠低於身價，些情況過往數年總是發生在車路士身上，但隨著今年他們在收購上開始轉趨審慎，羊牯之皇相信要易手了。

到現時為止的收購名單之中，利物浦是最為積極的一隊，其中費蘭度托利斯和賴恩巴布已經花掉他們超過三千萬英鎊，是否物有所值當然不能過早下判斷，但以往能夠在英超聯立足的西班牙球員實在很少，且看賓帥今次是否眼光獨到，還是再跌眼鏡？

至於其它收購之中，我認為曼聯的夏格維斯以及熱刺的戴倫賓特很大機會成為本年度的蟹貨之王。論名氣、論技術，兩位都未能達到世界級的水平，卻要花費球會過千萬英鎊收購，實屬過份！夏格維斯在拜仁時期只是一名攝位王，以往代表英格蘭出賽亦一無是處，在世界盃期間打了一、兩場好波，就被捧上天那麼高，之後回到拜仁，傷足成季，竟然仍以高價轉會，實在搞笑。戴倫賓特在國家隊亦只屬邊緣人物，可有可無，上季未能帶領球隊留級，卻得到與亨利相同的轉會身價加盟熱刺，看來這次交易的大贏家相信非查爾頓莫屬。



韋斯咸經歷上季死裡逃生之後，今年一早已經積極作出收購，名單之中看見史葛柏加、比拿美、法拔、龍格堡等等加起來都花費不少，但總算都合情合理。維拉收購韋斯咸孖寶李奧曲加與希亞活竟然要分別八百五十萬與及四百萬英鎊，那麼紐卡素的祖爾巴頓相對上便宜得多了！




距離英超開鑼還有大概兩個多星期，相信更多收購活動會在未來數週發生，今年度的羊牯之皇亦相好快就會揭盅，大家晰目以待。

抵制明光社

明光社於明天(25/07)進行賣旗籌款，此舉令到本來沉寂一輪的反明光社浪潮又再起哄，最近很多網上留言區都有人呼籲抵制行動。

Timo仔並不是同性戀者，亦對宗教一竅不通，但堅信人權、自由的可貴，對於明光社以宗教理由打壓、誤導、偏見的手法，以及將聖經凌駕於地方/國家法律的思維極之反感。他們所提出的所謂社會問題，只是一小撮、以及社會大多數人都能夠接受，是否須要煞有介事地去嘩眾取寵？是否須要誇張失實地去混淆視聽？此等反智行為充份反映他們只不過是一群無知的宗教狂熱者！

明光社並不是什麼慈善團體，它的所作所為只為強加自己的道德倫理觀於社會之中，壓抑與他們理念不符的人。除了他們的僱員和支持者外，沒有人會因為那個所謂生命與倫理研究中心得益。所以，我是絕對支持今次抵制明光社的行動！

My one and only love - John Coltrane & Johnny Hartman

呢兩日玩得夜得滯，所以懶少少，淨係放番首歌仔。
John ColtraneSaxophone，加埋Johnny Hartman沉厚聲底，實在無須加上任何評語，只須用心欣賞！

Machete 《大砍佬》

尋日講過：『我諗現實中冇人會搵個滿面豆皮兼成身公仔嘅墨西哥阿伯做男主角！』睇今日我都要自打嘴巴喇！

呢套原先只係用作襯托嘅假Trailer結果出街之後大受歡迎，好多觀眾睇完都好關心咁問：唔知導演會唔會真係將佢拍成電影呢？今日我終於知道個答案喇：係會嘅！

導演Robert Rodriguez已經宣布將會開拍呢套由墨西哥尚格雲頓加查理士布朗臣(導演形容)飾演主角嘅暴力電影，不過聽講拍完之後唔會正式係戲院上映，而係安排加插之後推出Grindhouse嘅 DVD入面，無論如何，呢套戲都係絕對不容錯過！

Planet Terror《索女．喪屍．機關槍》

簡直係一套爛片，但係又係令人拍案叫絕嘅爛片！



整個故事本身並非主角，我覺得反而套戲嘅拍攝手法先至係賣點。好明顯導演Robert Rodriguez刻意地將好多爛片嘅元素注入電影之內，例如過份嘅血腥、暴力(成套戲不停咁殺)，菲林走光、剪接差(片中經常出現)，令人摸不著頭腦嘅佈局(無端端由逃避喪屍變成去到文明古國)，以及低劣嘅特技效果(無論係喪屍嘅造型或者係身上流出黎嘅血)，志在令觀眾們睇得過癮，感覺恍如返到去六、七十年代睇當時嘅低成本兼低俗電影一樣。

演員方面相對比較陌生(如果有睇過Six Feet Under既話，應該會認識片中男主角)，但係有Bruce Willis、Quentin Tarantino客串，片中兩位當然逃不出死狀恐怖嘅下場啦！

仲有，不可不提套戲開頭果一段假嘅trailer，真係笑死觀眾！我諗現實中冇人會搵個滿面豆皮兼成身公仔嘅墨西哥阿伯做男主角。

睇完之後令我更期待另一套由Quentin Tarantino執導嘅《玩命．飛車．殺人狂》...............

錢作怪

錫菲聯告韋斯咸被英國高等法院判敗訴

錫菲聯無所不用其極咁保留英超球隊嘅身份，目的當然係唔捨得那份價值數以千萬英鎊嘅電視轉播合約。眾所周知，英超與英冠雖然只差一個級別，但兩者嘅經濟收益卻係差天共地，形成好多球隊升到英超之後都唔願意花錢擴軍，怕萬一打回原形，到時使大咗收唔番果陣仲頭痕。既然如此，你唔怪自己咁仲怪得邊個？都係返去等機會標多次會好過啦！



易建聯為了十三億同胞寧放棄簽約，誓與公鹿玉石俱焚

一個無情嘅選秀大會，將中國人希望易建聯送到只得少數華人聚居嘅密爾沃基。當然以易先生嘅商業價值實在唔應該屈就於一個如此細小城市。但係back to basic，作為一位專業運動員，既然參加得選秀大會，是否無論結果如何都應該接受呢？就等於：你是否應該遵守遊戲規則，或是尊重體育精神呢？如果答案係否定的話，恭喜你！你將會丟盡全國十三億人民嘅臉！

同場加映

原唱版本
Billie Holiday - God Bless the Child

Katharine McPhee

貴為去年American Idol亞軍人馬，佢唱Somewhere over the rainbow、Someone to want over me簡直係聽出耳油，而最令我佩服嘅係佢面試時竟然夠膽揀唱Billie Holiday名曲God bless the child，可以唱出不同風格之餘，但係同樣技驚四座。

Katharine McPhee - God Bless The Child


加多首同Andrea Bocelli合唱，一啲都唔失禮。

Katharine McPhee and Andrea Bocelli - Somos Novios

今日入手(2)

Natalie Dessay - Airs d'opéras français
二手價：HKD50


The Best of Louis Armstrong - The Hot Five And Hot Seven Recordings
二手價：HKD50


The Chieftains - Live from Dubin in Tribute to Derek Bell
二手價：HKD40

今日入手(1)

Cecilia - Inner Harmony
二手價：HKD58


Bob Marley & The Wailers - Legend
二手價：HKD29


George & Ira Gershwin - Oh, Kay! [Original Soundtrack]
二手價：HKD45

We are what we do

1. 
2. 
3. 
4. 
5.